CALECUT

CALECUT
urbs Indiae Orientalis cis Gangem praecipua. Emporium celebre, caput regni perampli, in ora Malabarica, cum portu satis capaci. A Cochino 20. leuc. Hispanic. circiter, vix decem a Cadanora. Eius Rex Zamorinus dicitur, i. e. Supremus Imperator, et Deus in terris. Pelagô alluitur; vasta est admodum absque moenibus, intus pluribus in locis vacat, domus non sunt contiguae, invicem distantes plurimum, lapidibus et calce exstructae,
interiores partes sculptae, pro imbrice palmis utuntur, illisque suas aedes regunt. Fores praegrandes habent, mirôque artificiô fabrefactas, quas murô cingunt instar pomoerii. Ibi visuntur arbotes innumerae, stagna, et fontes complusculi, ubi saepius, et quater fere interdiu lavantur. Rex Idolorum latriae mire est addictus, cui a subditis suis servitus incredibilis exhibetur, Cum egreditur, carpentô, seu curru vehitur, quem bini viri ferunt, omni lapidum genere condecoratum. Carpentum stipant choraulae, praecones, buccinatores, et id genus quamplurimi. Patricii vero et eminentiores suae ditionis omnes sequuntur, enses denudatos, et clypeos teretes gerentes; Sagittarii etiam ac velites praecedunt, itinera explorantes, tentoriô Rex incedens tegitur, ad quem propius quis nou accedit, quam ad 3. et 4. passus. Extra sollennis autem pompae tempus habitu non multum a ceteris difterente utitur. Cum ei aliquid porrigunt, ac si stipem darent elephanto, ab ipsis tremebundis in ramo porrigitur, quoniam Regem apud eos tangere nefas sit. Ditissimi et innumeri sunt in hac civitate mercatores, quorum commercia sunt lapides pretiosi, aromata omnis generis undequaque importata: panni ex serico omnium generum, et auri intertexti plurifariam, aerea autem fabrefacta et stannea vasa plurima: denique nihil fere ibi desideratur, quod ad humanum cultum pertineat. Cadamustus in Navigat. et Ludovicus Patricius Romanus. Rex autem Calecutianorum, qui e stirpe Braminis esse debet, urbis huius conditoris, (inquit Munsterus, in Cosmographia) latriae Daemonum est addictissmus. Habet enim Daemonis imaginem, in sacello suo sedentem, diademate redimitô eius capite, quod quaterna fulciunt cornua: Nasô est deformi, torvis, trucibusque oculis, vultu minaci, aduncas manus harpaginis instar habet, pedes vero gallo haud absimiles, quod quidem monstrum ingens, et horrendum, qui conspicantur, pavent continuo. Res est sane visu indignissima, eademque admodum horrifica. Sacellum ambiunt picti daemones, et in singulo angulo sedens ex aere visitur Satanas, ita affabre factus, ut undecumque flammescere videatur. Singulis diebus mane eorum sacerdotes, qui Bramini dicuntur, memoratum idolum rosaceâ, et huiusmodi odoriferô latice emaculant, suffiuntque variis odoramentis, procumbentesque adorant. Sanguinem galli gallinacei per hebdomadem vasi argenteo, carbunculis ignitis oppleto, indunt, additis suffimentis odorum innumeris, thuribulôque acceptô, adolent largissime tura, tinniente crebrius interea argenteô tintinnabulô. Porro Rex pransurus, quod sobrie admodum et frugaliter fieri solet, humi recubat absque stragulis, ac discumbentem sacerdotes ipsum circumstant, nusquam propius quam ad quaternos passus accedentes, Regis verba summa cum reverentia observantes. Ubi vero edere desierit, sacerdotes regias reliquias efferunt corniculis avibus depascendas, quas nefas est laedere, et ob eam causam tuto volitant, quocumque libuerit. Ducturus Rex uxorem, prius torum inire non consuevit, quam a digniore sacerdote nova nupta deflorata fuerit: istiusque stupri a Rege pretium 500. aureorum constituitur. Primum insuper locum post Regem tenent Sacerdotes idolorum cultores: his succedunt Naeri, qui non minoris
dignitatis sunt apud eos, quam olim apud Romanos fuêre Patricii. Horum etenim interest, ensem, clypeum, arcum, lanceamque cum prodeunt ferre. Qui deinceps tertiae classis habentur, hi eius loci sunt apud eos, cuius apud nos ii; qui cerdonicam artem exercent; quartô locô succedunt, qui piscatu victum quaeritant; quintô ii, ad quos spectat piper, vinum, iuglandesque colligere, postremô qui serunt et colligunt oryzam, contempti a Sacerdotibus, et Patriciis. Adoraturi ante emersum Solem stagno lotionis gratiâ immerguntur: Sicque loti nihil prius contrectant, quam domi suae preces ad idola fuderint. Profecturo ad bellum Regi, in expeditione sunt centena peditum milia, nam equitum ibi nullus est usus, praeter Elephantorum. Qui Regem sequuntur vittâ sericâ, eâdemque coccineâ caput vinciunt. Proelium inituri ense obrotundô, clypeô, lanceis, et arcubus utuntur. Haec Munsterus. Lusitani, licet sub praecedentis saeculi finem, aliquoties Samorinum praeliô vicissent, numquam tamen in regno eius firmum figere pedem hactenus potuêre. Praeter Ethnicos, quorum superstitio hîc regnum habet, reperiuntur quoque in hisce oris, Mahometani, Arabes, Christiani S. Thomae, et quidam a Christianis Europaeis conversi. Plura de Rege, et Regno hocce vide apud P. de Valle, testem αὐτόπτην, Itiner. Tom. 4. Arcem Calecuti condidit Iohannes, filius et successor Emanuelis Lusitaniae Regis circa A. C. 1529.

Hofmann J. Lexicon universale. 1698.

Look at other dictionaries:

  • Calecūt — Calecūt, der eigenthümliche Nahme eines Reiches in Ostindien. Daher der Calecutt, des en, plur. die en, oder der Calecutische Hahn, die Calecutische Henne, Calecutische Hühner, eine Art großer Hühner, deren Hahn viele Stücke Fleisch am Kopfe… …   Grammatisch-kritisches Wörterbuch der Hochdeutschen Mundart

  • Calecut — Calecut, Stadt, so v.w. Calicut …   Pierer's Universal-Lexikon

  • Decouverte du Bresil — Découverte du Brésil La Découverte du Brésil désigne l arrivée, en 1500, de la flotte commandée par Pedro Álvares Cabral sur le territoire où se trouve aujourd hui l État brésilien et la prise de possession du territoire par le royaume du… …   Wikipédia en Français

  • Découverte du Brésil — Allégorie du nouveau Monde. Disputa entre cosmógrafos, José Antonio da Cunha Couto, 1892. La découverte du Brésil désigne l arrivée, en 1500, de la flotte commandée par Pedro Álvares Cabral sur le territoire où se trouve aujourd hui l État… …   Wikipédia en Français

  • Hahn (3), der — 3. Der Hahn, des es, plur. die Hähne, Dimin. das Hähnchen, Oberd. Hähnlein. 1) Eigentlich das männliche Geschlecht der zahmen Haushühner, welches sich durch sein Krähen auf eine so merkliche Art von andern Vögeln unterscheidet; der Haushahn,… …   Grammatisch-kritisches Wörterbuch der Hochdeutschen Mundart

  • Huhn, das — Das Huhn, des es, plur. die Hühner, Diminut. das Hühnchen, Oberd. das Hühnlein, in der Oberpfalz Hinkel. 1. Überhaupt, ein Geschlechtswort einer Art Vögel, welche einen kurzen runden Schnabel haben, an welchem die obere Hälfte über die untere… …   Grammatisch-kritisches Wörterbuch der Hochdeutschen Mundart

  • Kalekut, der — Der Kalekut, S. Calecut …   Grammatisch-kritisches Wörterbuch der Hochdeutschen Mundart

  • Put — Put, ein im gemeinen Leben übliches Wort, die Hühner, besonders aber die Truthühner und deren Junge zu locken, welches von der Stimme der letztern entlehnet ist, die es nachahmet. Daher pflegt man auch ein Wälsches Huhn die Pute, das Puthuhn, und …   Grammatisch-kritisches Wörterbuch der Hochdeutschen Mundart

  • Truthahn, der — Der Truthahn, des es, plur. die hähne, Fämin. die Truthenne, plur. die n, eine Art ausländischer großer Hühner, wovon der Hahn viele Stücke Fleisch an dem Kopfe hangen hat; Gallina Meleagris Linn. Im gemeinen Leben nennt man den Hahn auch Trut,… …   Grammatisch-kritisches Wörterbuch der Hochdeutschen Mundart

  • Wälsch — Wälsch, adj. et adv. ein altes, aber jetzt großen Theils ungangbar gewordenes Wort. 1. Fremd, ausländisch überhaupt, eine in dem Hochdeutschen Sprachgebrauche veraltete, und nur noch in einigen Nahmen übliche Bedeutung. Ein wälscher Hahn, eine… …   Grammatisch-kritisches Wörterbuch der Hochdeutschen Mundart

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.